Juventusi po kalon një periudhë të vështirë teksa rezultatet po mungojnë. Çështja e trajnerit është kthyer në një temë të nxehtë në kampin bardhezi. Megjithatë, tekniku italian ka mbështetjen e drejtuesve që rezultatet e këqija ja faturojnë mungesës së cilësisë në ekip. Pikërisht për këtë po punojnë te Zonja e Vjetër dhe ndërhyrje të menjëhershme priten në janar në repartin defansiv.
Nje nga emrat më të lakuar në ditët e fundit është dhe ai i Ramy Bensebainit. Mbrojtësi algjerian i cili është në pronësi të Borussia Moenchengladbach, ka shprehur dëshirën për rinovimin e kontratës që përfundon në qershor por deri më tani nuk i është dhënë kjo mundësi nga klubi gjerman. Nga krahu tjetër Juve së fundmi po has shumë probleme në mbrojtje pas largimeve të De Ligt, Chiellin dhe dëmtimeve të shumta.
Lexo gjithashtu
