Jurgen Bardhi pritet të jetë në fushë sot nga minuta e parë në ndeshjen Basel - Partizani. Mesfushori i kuq e pa veten në stol në sfidën e turit të parë kundër Sfintul Gheorghe, pasi trajneri Daja preferoi Rrapajn para tij. E ardhmja e fushë-krujasit do të jetë Turqia dhe kjo qe arsyeja pse tekniku kryeqytetas bëri një zgjedhje të tillë. Megjithatë ndaj Baselit duhet në fushë eksperienca e cilësia. 23-vjeçari do ta nisë nga minuta e parë, ndërsa Daja pritet të luajë me një formacion 4-2-3-1.
Në portë do të jetë i përhershmi Alban Hoxha, ndërsa para tij do të rreshtohet katërshja Gligorov - Shehi - Belica - Marku. Murataj dhe Kote do të jenë dy gjysmë "ekranet", kurse Cara - Bardhi - Lucas në mbështetje të fazës ofensive, që do të udhëhiqet nga Stenio Junior. Ndeshja Basel - Partizani do të luhet në orën 20:15 në stadiumin "St. Jakob Park" në Zvicër.
Formacioni i mundshëm
Hoxha; Gligorov - Shehi - Belica - Marku; Murataj - Kote; Cara - Bardhi - Lucas; Junior
Lexo gjithashtu
