Hapësire reklamuese

Çështjet kryesore

ARKIVA

Nga problemet familjare që ndikuan në karrierë, deri te rikthimi në Shqipëri, Victor Juffo: Dua të shpallem kampion me Bylisin!

Shkruar nga NEWSPORT

Bylisi prezantoi ditën e sotme një përforcim të rëndësishëm dhe me shumë eksperiencë. Nildo Victor Juffo është lojtari më i ri në radhët e ballshiotëve, me këta të fundit që e shohin brazilianin si një vlerë të shtuar për ekipin. Victor Juffo shihet si një ndihmë e madhe për Bylisin në objektivin që është “Superiorja”. Juffo pritet të jetë një lojtar kyç te klubi ballshiot pasi e njeh mjaft mirë futbollin shqiptar, pasi në të shkuarën ka qenë pjesë e Flamurtarit.

Në një intervistë ekskluzive për “Newsport.al”, është vetë lojtari brazilian që flet për transferimin te Bylis. Ai tregon se problemet familjare ishin ata që e detyruan të largohej nga Maqedonia e Veriut për të luajtur në Brazil. Por kur problemeve u erdhi fundi, 30-vjeçari e ka parë Shqipërinë si mundësinë më të mirë për të vazhduar karrierën. Madje braziliani vjen me synime të qarta në Kategorinë e Parë, duke u shprehur që objektivi kryesor është të shpallet kampion me Bylisi dhe për t’u rikthyer në elitën e futbollit shqiptar.

Cila ishte arsyeja që vendosët të riktheheshit në Shqipëri?

“Unë isha në Maqedoni dy vjet më parë. Por në vitin 2022 familja ime dhe unë morëm një lajm të keq. Nëna ime duhej të bëhej operacion në zemër, kështu që kur mbaroi kampionati maqedonas, u transferona në Brazil ku luajta dy vitet e fundit. Nëna ime iu nënshtrua një opercioni në Brazil dhe tani është më mirë. Me përmirësimin e nënës vendosa të kthehem dhe të vazhdoj karrierën timë këtu, në Shqipëri.”

Kishit oferta vetëm nga Bylis apo edhe nga ekipe të tjera shqiptare?

“Kam qenë në bisedime me disa klube nga Maqedonia e Veriut, por edhe Kroacia. Por për shkak të pozitave që Bylis ndodhet, me mundësitë që ka për të dalë kampion dhe për t’u ngjitur në Superligë zgjodha që të vija këtu dhe të filloja nga e para.”

Si e kujtoni eksperiencën tuaj me Flamurtarin?

“Ishte një eksperiencë shumë e mirë, skuadra jonë ishte shumë e fortë. Unë e njihja trajnerin pasi punuam së bashku edhe në Maqedoni, por edhe disa lojtarë të tjerë nga Maqedonia u transferuan te Flamurtari. Ishte një përvojë mjaft e mirë. Unë nuk qëndrova më pasi klubi në atë kohë po kalonte disa probleme me pagat dhe unë mora një ofertë të madhe nga Vardari në Maqedoni. Kështu që vendosa të largohem. Por e konsideroj një eksperiencë të mirë. Kampionati shqiptar është shumë konkurrues dhe niveli është shumë i lartë.”

[caption id="attachment_721711" align="alignnone" width="431"]Victor Juffo kur luante me Flamurtarin Victor Juffo kur luante me Flamurtarin[/caption]

Nëse e keni ndjekur futbollin shqiptar, mendoni se është rritur niveli i lojës që atëherë e deri më sot?

“Mendoj se niveli teknik ra pak, por niveli konkurrues u rrit. Në sezonin kur kam luajtur unë, para 6 vitesh, kishte shumë lojtarë cilësorë. Niveli teknik gjithashtu ishte shumë i lartë. Sot duke parë disa ndeshje dhe duke i krahasuar me 6 vite më parë është e qartë që pjesa fizike ka ndryshuar shumë. Është shumë më konkurruese dhe agresive, por niveli teknik më parë ishte më i mirë se sot.”

Mendoni se eksperienca e juaj do ta ndihmojë Bylis të rikthehet në Superiore?

“Ardhja ime te Bylisi ka pikërisht këtë si qëllim. Të ndihmoj ekipin deri në fund. Me eksperiencën time dua të ndihmoj skuadrën që të arrijë Superligën dhe të shpallemi kampion. Pra në fillim unë vendos objektivat kolektivë, përpara atyre personal. Jam duke u përgatitur shumë, dua të luaj sa më shumë që të mundem për të ndihmuar klubin. Pra objektivi më i madh për mua është ky, të shpallem kampion me Bylisin." /Nikoll Rajta/

[caption id="attachment_721712" align="alignnone" width="653"]Victor Juffo me ekipin e Bylisit (lojtari i rrethuar) Victor Juffo me ekipin e Bylisit (lojtari i rrethuar)[/caption]

 

Poll

Lexo gjithashtu

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga