Vllaznia është skuadra e parë nga ekipet e kreut që do të zbresë në fushën e lojës për të luajtur ndeshjen e javës së 18-të të Abissnet Superiore. Shkodranët e Mirel Josës kanë udhëtuar në Ballsh për tu përballur me Bylis, me sfidën që nis në orën 13:00.
Kuqebluë janë skuadra e momentit në kampionat dhe ditën e sotme do të synojnë edhe fitoren e 4-të rresht për të “kërcënuar” kështu edhe skuadrat e kryeqytetit që mbajnë dy vendet e para. Edhe në këtë takim Josa pritet të lërë në stol sulmuesin e kombëtares, Bekim Balaj.
Nga krahu tjetër Bylisi kërkon të reagojë pas rezultateve negative në javët e fundit dhe me Naxhi Shensoin në stol synon fitoren. Tekniku i ballshiotëve mori drejtimin e skuadrës menjëherë pas largimit të Bellait dhe ndaj shkodranëve kërkon të debutojë me 3 pikët.
Formacionet e mundshme:
Bylis: Teqja, Trumçi, Janku, Damçevski, Zguro, Maçolli, Ruçi, Loran, Antoni Beji, Eskuerdinja, Kaçorri. Trajner: Naxhi Shensoi.
Vllaznia: Zogovic, Smajli, Juric, Gurishta, Hakaj, Jonuzi, Alivoda, Marku, Hoxhaj, Kaina, Mala. Trajner: Mirel Josa
Lexo gjithashtu
