Vllaznia do të udhëtojë në kryeqytet për t’u përballur me Partizanin ditën e nesërme, e takimin që nis në orën 16:00. Një sfidë që konsiderohet shumë e rëndësishme për shkodranët, që kërkojnë fitoren për të qenë më afër vendeve të kreut.
Në konferencën për shtyp në prag të kësaj përballje, Mirel Josa ka theksuar se ditën e nesërme skuadra e tij ka detyrim fitoren, teksa theksoi se tashmë Dajan Shehi do t ëjetë i gatshëm ndaj demave.
“Në fillimin e vitit duhet të përballemi me Partizanin, skudrën kryesuese të kampionatit. Duke marrë parasysh pjesën e parë, personalisht më intereson të flas për skuadrën time ku jemi në pozita të njëjtja, jo në krahasim me kundërshtarin por me atë gjendje që kemi mbaruar kampionatin. E vetmja gjë që do ndryshoj është rikuperimi i Shehit i cili me shumë mundësi do të jetë në lojë nesër dhe pjesa tjetër e skuadrës do të jetë e njëjta.
Luajmë me një rival që ka treguar ngritje gjatë pjesës së fundit të kampionatit. Jemi në një pozicion të mesëm dhe na interesojnë pikët, është një ndeshje që të dy ekipet do të dëshirojnë ta fitojnë. Gjatë periudhës së fundit jemi stërvitur në fushë pothuajsë të njëjtë me atë të Partizanit, është një gjë e re dhe do shkojmë të luajmë dhe të ambientohemi.
Jemi në një periudhë lëvizjesh lojtarësh, nuk dua të flas për lojtarë të veçantë, kam biseduar me klubin, Heriç është kontigjenti i klubit. Lojtarët e Vllaznisë më kanë dhënë besim, por duhet të rikuperon ashtu si Latifi i cili është stërvitur, por ka ndjerë dhimbje. Kemi punuar që të sjellim lojtarët të rinj, por varet nga marrëveshja që arrihet mes klubit dhe atyre.
Nuk mund tju them për emra konkretë, sepse janë bërë disa diskutime por kanë dalë jashtë parashikimeve tona dhe nuk mund të zbuloj emrat e futbollistëve. Unë kam bërë propozime dhe klubi diskutime, sja vlen të diskutohet kur ska asgjë konkrete. Unë skam përplasje me asnjë lojtar, nëse bën punën ashtu siç dua unë bujrum le të luajë, nëse jo, unë nuk mund të spekuloj në kurriz të skuadrës sepse është e gjitha që luan dhe jo një individ.
Skemi luajtur mirë me Egnatian, më Kastriotin humbëm. Unë kam vërejtjet e mia për lojtarët, por duke pasur parasysh analizat e dy ndeshjeve, jam sjellë komplet ndryshe me ata. Dhe këta ma treguan kundër Teutës. Ata kishin probleme të mëdha dhe ato nuk zhduken vetëm sepse fituam”, deklaroi Josa.
Lexo gjithashtu
