Edicioni i ri në Superiore deri më tani po dhuron surpriza. Kur kemi lënë pas 7 javë kampionat, në vendin e parë është Bylisi me Vllazninë, skuadra këto të ardhura nga Kategoria e Parë dhe janë në krye me nga 12 pikë. Po të njëjtën kuotë pikësh e ka dhe Teuta së bashku me Skënderbeun.
Ajo që vihet re se pretendentët si Tirana, Partizani, apo edhe Kukësi, ende nuk e kanë nisur shkëputjen nga pjesa tjetër e tabelës, madje renditen diku nga mesi i saj. Mirëpo, një tjetër klub legjendar në vend është edhe Dinamo që "dergjet" në Kategorinë e Parë, Grupi A. 18 tituj kampionë të fituar në Superiore dhe pesha e fanellës nuk po i ndihmon dot blutë të bëjnë mirë.
Këtë fillim sezoni ndoshta pritej një nisje pozitive e tyre, por që në fakt nuk ka ndodhur kështu. Madje ka qenë e kundërta. Në 4 javë, Dinamo ka arritur të grumbullojë vetëm 1 pikë dhe ndeshjen e ardhshme do të luajnë me Erzenin, tjetër sfidë e vështirë kjo. Gjithsesi sezoni është shumë i gjatë dhe në vazhdimësi mund të ndryshojnë shumë gjëra.
Lexo gjithashtu
