Partizani padiskutim që këtë verë po bën historinë në garat europiane. Pjesmarrja në “Play-Off” të Conference League është një arritje historike për demat, të cilët për herë të parë janë vetëm 180 minuta larg grupeve të këtij kompeticioni.
Sigurisht që arritja deri në këtë fazë ka sjellë përfitime të mëdha për demat. Kryeqytetasti do të tentojnë fitoren ndaj Astanës dhe kualifikimin në grupe jo vetëm për historinë, por edhe për para dhe prestigj.
Në rast se të kuqtë kapin grupet e këtij kompeticioni do të kenë të garantuara 3.69 milionë euro që jepen si shpërblim nga UEFA. Shumë kjo që do të shkojë në arkat e Partizanit. Më saktësisht demat marrin 100 mijë euro nga pjesmarrja në turin e parë të Champions, plus 350 mijë euro për eleminimin nga ky kompeticion.
100 mijë euro nga turi i dytë i Conference, 100 mijë euro nga turi i tretë dhe 100 mijë euro të tjera nga “Play –Off” i këtij kompeticioni. Ndërkohë për grupet do të arkëtojë në total 2.94 milionë euro.
Lexo gjithashtu
