Donatori i Vllaznisë, Alban Xhaferi ka treguar se është në hall me tifozët të cilët duan të jenë në stadium. Ecuria fantastike e Vllaznisë, vendi i parë në klasifikim dhe loja e rrjedhshme në fushë, ka bërë që në stadium të futen 10 doktorë dhe 10 zjarrëfikës. Xhaferi tregon në “Pressing” edhe për merkaton apo raportin me Bashkinë e Shkodrës që ka 100 përqind të aksioneve.
“Titulli? Nuk ka dyshim që jemi bindur, pasi i kemi kaluar të gjitha skuadrat pretendente. Dimë si të lozim, tani nuk jemi surprizë, Është herë të flasim për titull, por shanset janë të mëdha, Duhet të ecim gradualisht. Kemi vendos si objektiv minimal kupat e Europës. Çdo gjë mbi këtë është bonus. Vllaznia e meriton vendin e parë dhe do futemi në çdo ndeshje të fitojmë.
U krijua grupi, Thomas ka meritë të veçantë. Nuk duhen harruar edhe Plori e Osja, të cilët kanë qenë aty. Ai nuk ka eksperiencë dhe ata po e ndihmojnë të përshtatet.
Nuk kemi gjeneralë, por ushtarë. Kështu po ndodh në fushë. Është një Vllaznia që luan bukur, nuk po kënaqemi vetëm nga fitoret. Ekipi luan në sulm dhe po punohet mire.
Marrëveshja me bashkinë nuk është vetëm financiare, por edhe në aspektet e tjera. Ndaj edhe është krijuar kjo frymë dhe ky ekip. Dua të ndalem te ai tifozi, zjarrfikësi, ai nuk është zjarrfikës.
Me të vijnë 10 zjarrfikës. Me ambulancën vijnë 10 doktorë dhe u thashë nga dolën gjithë këta. Kemi rënë në hall me këtë pjesë, pasi shumë tifozë duan të jenë në stadium”, tha mes të tjerash Xhaferi.
Loading ...
