Kukësi do të presë sot Lushnjen në orën 13:00, së stadiumin "Zeqir Ymeri" për të luajtur takimin e javës së 14-të të Superligës. Sikurse është dhënë dhe ultimatum nga presidenti i klubit, Safet Gjici, sot pritet dhe në fakt duhet të jetë java vendimtare për verilindorët në rast se nuk kërkojnë të largohen akoma më shumë nga kreu i tabelës së klasifikimit.
Dje, Kukësi ka dalë me një njoftim zyrtar, ku thuhej se, tifozët mund ta djekin takimin e sotëm falas pasi hyrja në stadium do të jetë pa bileta, kjo nisur nga interesi i ulët që tifozët verilindorë kanë pasur kohët e fundit në takimet e luajtura në shtëpi.
Në njoftim speifikohej që sulmuesi Alijev është mungesë e sigurt, ndërkohë që dje ky i fundit është parë të stërvitet me pjesën tjetër të grupit dhe mësohet se sot do të zbresë ndaj Lushnjes nga minuta e parë. Nuk dihet pse klubi e ka "fshehur" sulmuesin duke deklaruar të kundërtën, detaj i cili pritet të zbulohet sot kur skuadrat të zbresin në fushën e blertë.
Lexo gjithashtu
