Kategoria Superiore rikthehet në fundjavë me takime delikate dhe përcaktuese për fatet e disa skuadrave në futbollin shqiptar. Takimi më interesant është padyshim ai mes Flamurtarit dhe Kukësit. Vlonjatët të bindur për t'u futur sërish në lojë për kupat e Europës, ndërsa verilindorët për të vijuar me rezultatet pozitive.
Në kryeqytet luhet derbi i 'vogël" mes Kamzës dhe Partizanit. Të kuqtë të etur për sukses për të vijuar momentin pozitiv në drejtimin e trajnerit Klevis Dalipit. Kamza ka lëshuar terren javët e fundit, por në shtëpinë e saj është një 'kockë e fortë' për çdo kundërshtar.
Në takimet e tjera të programuara për javën e 27-të, Skënderbeu udhëton në Shkodër. Vllaznia pretendon të ndalë hapin e kryesuesve, me misionin e mbijetesës. Një 90-minutësh interesant është edhe dueli Teuta-Laçi. Durrsakët me objektivin për të marrë 3 pikët, për të shpresuar tek qëndrimi mes më të mirëve në futbollin shqiptar.
Ndërkohë Luftëtari pritet të ketë një përballje të lëhtë në letër, pasi pret në Gjirokastër, Lushnjën e Ilir Gjylës.
Lexo gjithashtu
