Ditën e premte në orën 19:45, Partizani do të ndeshet në transfertë kundër Skënderbeut në ndeshjen hapëse të kampionatit.
Natyrshëm të kuqtë do të kërkojnë një nisje sa më bindëse të Superligës, dhe përballja që në javën e parë me kampionët në fuqi është njëkohësisht një shanc i mirë por dhe i keq për ekipin e drejtuar nga trajneri Skënder Gega.
Gjithsesi përfaqësues të stafit teknik të Partizanit kanë ndjekur nga afër korçarët dje në stadiumin “Selman Stermasi” në sfidën e fituar kundër Laçit, për të mbajtur shënim lojën e ekipit të Orges Shehit. Mbetet për t’u parë rreshtimi i “Demave” në këtë sfidë, me trajnerin Gega që duket më i prirur drejt një formacioni 4-2-3-1.
Loading ...
