Lorik Cana ka shprehur keqardhje për kartonin e kuq në ndeshjen ndaj Zvicrës. Kapiteni i Shqipërisë pas humbjes kundër Zvicrës, ka thënë se i vjen keq për kartonin e kuq që mori, duke e lënë skuadrën me një lojtar më pak në fushë, për t’ia vështirësuar punët edhe më tepër. Ai ka thënë se shpresoi që gjyqtari do ta dënojë shtyrjen e vogël që i bëri kundërshtari, që e detyroi të rrëzohet.
“Më vjen keq. Rrezikova, shpresova që gjyqtari të dënonte atë shtyrjen e vogël që më bëri të rrëzohem”, ka thënë Cana për “Reuters”.
Mbrojtësi shqiptar u ndëshkua me të kuq pas 36 minutave lojë duke e lënë ekipin me dhjetë lojtarë.
