Ivan Fushtar ishte një ndër futbollistët më të përfolur në këtë merkato janari. Edhe pse u mendua se do linte kamzalinjtë për të firmosur me një tjetër ekip të Superiores në Shqipëri, nuk ka ndodhur kështu. Ai është zhvendosur drejt Katarit, duke firmosur me klubin Al Arabi.
Kamza ia kishte bërë të qarta kërkesat kroatit nëse ai do largohej. Ai do të duhet t'i paguane klubit 20 mijë euro për kartonin nëse do luante jashtë Shqipërisë dhe 70 mijë euro nëse do firmoste me një klub të Kategorisë Superiore.
Pas largimit drejt Katarit, Fushtar ka qenë i detyruar t'i shlyente detyrimin prej 20 mijë eurosh Kamzës. Për të shlyer këtë borxh, kroati ka kërkuar ndihmën e lojtarit të Interit, Ivan Perisiç për këtë shumë. Nisur nga miqësia e hershme mes tyre, Perisiç i ka dhënë 20 mijë euro Fushtarit për të shlyer detyrimin ndaj Kamzës.
Aktualisht, Fushtar përfiton një shumë prej 12 mijë eurosh në muaj me skuadrën e re dhe shlyerja e borxhit ndaj mikut të tij është thjesht çështje kohe.
Lexo gjithashtu
