Mbrëmja e sotme do të jetë spektakolare në Itali. Juventusi dhe Interi vihen përballë në gjysmëfinalen e Kupës që do të luhet duke nisur që nga ora 21:00 në “Allianz Stadium”.
Një sfidë që premton spektaklë dhe emocione të forta, ku të dyja ekipet dynojnë fitoren për të kapur finalen. Bardhezinjtë vijnë në këtë përballje të karikuar si rrallëherë, ku në 9 ndeshjet e fundit kanë regjistruar 8 fitore dhe vetëm një humbje, janë 5 sukseset radhazi ndërkohë që në dy të fundit, mundën pikërisht Interin në kampionat me golin e firmosur nga Kostic, ndërsa më pas mposhtën edhe Veronën.
Nga ana tjetër, Simone Inzaghi prezantohet në “Allianz Stadium” në mënyrën më të keqe të mundshme, Interi vjen në këtë sfidë pas 3 disfatave radhazi në kampionat, teksa ka shijuar vetëm një herë suksesin në 5 ndeshjet e fundit, në fitoren 2-0 ndaj Lecces.
Formacionet e mundshme:
Juventus: Szczesny; Danilo, Bremer, Gatti; De Sciglio, Miretti, Locatelli, Rabiot, Kostic; Di Maria; Vlahovic
Inter: Onana; Darmian, Acerbi, Bastoni; Dumfries, Barella, Brozovic, Mkhitaryan, Gosens; Martinez, Dzeko
Lexo gjithashtu
