Ish-portieri i Kombëtares rikthehet në futbollin shqiptar, bëhet pjesë e Superligës

Luftëtari ka zhvilluar një ecuri të mirë në dy fazat e para të kampionatit. Kjo ka bërë që drejtuesit e klubit të mendojnë për afrime të reja, pse jo dhe goditje të mëdha. Bluzinjtë mësohet se do afrojnë pranë vetes ish-portierin e Kombëtares, Isli Hidin.

Ai aktualisht luan në Qipro, te Nea Salamina, por së fundmi mendohet se do t’i bashkohet Superligës shqiptare. Jo vetëm drejtuesit e klubit të Luftëtarit, por edhe vetë portieri ka shfaqur dëshirën për tu bërë pjesë edhe njëherë e futbollit shqiptar.

Mësohet, se bisedimet kanë nisur, por nuk dihet ende nëse do të bëhet i mundur transferimi i shqiptarit nga Qipro drejt Superligës.