Ditën e djeshme u publikua një intervistë e ish-lojtarit të Flamurtarit Viktor Xhufo dhënë për Telesport, ku braziliani akuzonte vlonjatët për mungesë korrektese në pagesa dhe për situatën e vështirë që kishte kaluar ai në Vlorë së bashku me familjen e tij.
Administratori i Flamurtarit Sinan Idrizi i ka hedhur poshtë këto akuza duke thënë se gjithçka bëhet për të prishur imazhin e klubit, ndërkohë që intervista ka kohë që është dhënë.
"Si nuk paska pasur vizë për të luajtur?! Kjo do të thotë që paska qenë ilegal. Nuk kam kohë të merrem më këto gjëra. Intervista ka një muaj që është bërë por publikohet vetëm dy ditë para mbylljes së merkatos që të na prish punë. Xhufo është xhentëlmen në fushë por nuk besoj ta ketë seriozisht që në Shqipëri nuk jetohet. Jam i gatshëm t'ju jap listë-pagesat e lojtarit dhe të gjitha dokumentat e veprimeve porcedurale të tij te Zyra e Punës", ka thënë Idrizi në një prononcim për mediat në lidhje me këtë çështje.
Lexo gjithashtu
