Prej ditësh ish-kryeministri i vendit është duke u marrë me kombëtaren kuqezi, ku nuk ka lënë moment pa përmendur fakte, sidomos kundra saj. Ndërsa sot është dita kulminante, së pari poston në “facebook” një foto të 11-shes kuqezi, por që aty ndodhet Djimsiti, lojtar që nuk është grumbulluar nga De Biazi, dhe më pas poston një tjetër foto, atë ku shihet qartë takimi Angli – Zvicër. Me mbishkrimin që ia dedikon kombëtares kuqezi, ai hedh një foto ku ndodhet Granit Xhaka, ndërsa harron pjesën tjetër të lojtarëve.
“Pavarësisht nga goli, kuqezinjtë dominuan lojë! Ndëshkim i qëllimshëm i turpshëm i Canës”, citon Berisha. Veç këtij fakti, ish-kryeministri ka degraduar në atë farë feje saqë replikon me çdo sportdashës që i komenton.
