Ish-kapiteni i Kukësit e tashmë në rolin e ndihmës-trajnerit Rrahman Hallaçi ka folur për ndeshjen e rradhës përballë Flamurtarit në javën e dytë.
Në një prononcim dhënë për Suepersport ai ka thënë se sfida me vlonjatët do të jetë një ndeshje shumë e fortë , por Kukësi do të bëjë ç’mos për të rekuperuar pikët e humbura me Laçin. Hallaçi foli edhe për dy ish-lojtarët e verilindorëve, Koliçi dhe Alla, tashmë pjesë e Flamurtarit duke thënë se këtë ndeshje do të dalin kokulur.
“Flamurtari është një skuadër shumë e fortë. Ka marr shumë lojtarë të rinj, dhe e tregoi dhe me Teutën që këtë vit bën një lojë të shkëlqyer. Megjithatë ne kemi objektivat tona. Do të luajmë për fitore pasi duhet të rekuperojmë pikët e humbura me Laçin në ndeshjen e parë. Me Allën dhe Koliçin ia kemi kaluar shumë bukur dhe u uroj suksese por këtë ndeshje besoj se do dalin kokulur”, ishin fjalët e Hallaçit.
Loading ...
