Inzaghi në “hall” para duelit me Mourinhon, 2 yjet e ekipit nuk ja dalin

Interi luan të shtunën në orën 18:00 me Romën në San Siro për javën e 8 të Serie A. Ky sezon nuk ka nisur mirë për zikaltërit që kanë humbur 3 hrë në vetëm 7 ndeshje dhe mbajnë vendin e 7 në renditje. Humbja e fundit ndaj Udinese ishte e pafalshme dhe zikaltërit duan të rikthehen menjëherë te fitoret.

Trajneri Inzaghi duhet t’i bëjë llogaritë mirë pasi ndaj Romës nuk do të jenë 2 lojtarë kryesor si Brozovic dhe Lukaku. Mesfushori u dëmtua me Kombëtaren dhe pritet të mungojë gjatë ndërsa belgu prej disa javësh nuk stërvitet me grupin.

Lukaku pritet të kthehet ndeshjen pas Romës në Champions kundër Barcelonës. Vendin e Brozovic nga minuta e parë do ta marrë Kristjan Asllani që do të debutojë si titullar me Interin.