Këtë sezon futbollistik Albpetroli në Grupin B të Kategorisë së Dytë ka arritur të bëjë mirë, duke u renditur në vendin e 3-të, pas Devollit dhe Shkumbinit. Një ndër lojtarët më kryesor të kësaj skudra ka qenë edhe Kejsion Kumanaku, i cili ka luajtur 16 ndeshje që nga minuta e parë dhe ka shënuar 6 gola.
Në një intervistë për newsport.al, Kumanaku është shprehur se meritonin një vend më të mirë në renditje, pasi kanë dhënë maksimumin në çdo ndeshje.
Më tej, 20 vjeçari zbulon se për cilën skuadër do të dëshironte të luante në Superiore.
Kejsion, si ishte për ju ky sezon futbollistik?
Ky ishte një sezon shumë i mirë për mua në aspektin personal, sepse mora minutazhin e duhur dhe mundova të bëja sa më mirë punën time në shërbim të ekipit.
Albpetroli e ka mbyllur kampionatin në vendin e tretë. Mendoni se skuadra juaj ka merituar diçka më shumë, apo jeni të kënaqur në këto kushte?
Po e vertet qe këtë sezon e mbyllëm në vendin e 3, por meritonim më shumë, sepse kemi bërë maksimumin në çdo ndeshje që kemi luajtur. Pa dyshim që meritonim më shumë sepse ekipi Albpetrolit është një ekip i madh dhe me emër dhe e meriton të ngjitet në një kategori më lart, sepse i ka të gjitha mundësitë.
Keni pasur një vend bazë në formacion dhe keni shënuar 6 gola. A i keni arritur objektivat tuaj personal?
Po kam luajtur në formacion gjatë këtij sezoni dhe kam shënuar 6 gola. Do të thoja që i kam arritur objektivat. Çdo futbollist do që të japë më të mirën në fushën e lojës dhe të shënoj sa më shumë, por kaq ishte e shkruar të shënoja dhe jam i kënaqur që jam mundur me golat e mi të ndihmoj ekipin.
Këtë sezon keni luajtur si mesfushor, por edhe si sulmues. Cili rol është më i vështirë në fushën e lojës?
Mendoj që sulumes është roli më i vështirë, sepse je pika referuese e dkipit dhe je ti ai që je më afër portës për të finalizuar dhe për të bërë më të mirën për ekipin.
Ku e shikon veten Kejsioni në sezonin e ardhshëm?
Për momentin kam marrë pushimet nga klubi, por besoj se për sezonin e ardhshëm do jem pjesë e klubit të Albpetrolit.
Nëse do zgjidhje të luanit në Superiore, cila do të ishte ajo skuadër?
Ekipi që unë do zgjidhja të luaja në Superiore, do ishte Tirana, sepse është një klub me histori në futbollin shqiptar, pavarësisht pozitës që ndodhet për momentin.
Kush janë objektivat e Kejsionit në të ardhmen si lojtar?
Objektivat e mia si lojtar janë që të stërvitem sa më shumë dhe me besim e sa më shumë punë. Unë besoj se do arrij në majat e futbollit shqiptar.
/Nazif Zylali/