Hapësire reklamuese

Çështjet kryesore

BASKETBOLL

Intervista/ Trajneri i Flamurtarit zbulon gafën e Kombëtares, Toska: Në Shqipëri nuk lejojnë lojtare mbi 30 vjeç, ndërsa në Itali shtyllat e ekipit janë 37-38 vjeçaret

Shkruar nga NEWSPORT
Intervista/ Trajneri i Flamurtarit zbulon gafën e Kombëtares, Toska:

Basketbolli shqiptar haset me vështiurësitë nga më të ndryshmet dhe ende nuk ka ndonjë plan afatgjatë për këtë sport.

Përveç problemeve me fondet dhe infrastrukturën, skuadrat shqiptare të Basketbollit duhet të hasen dhe me keqorganizimin nga federata. Kampionati i sivjetshëm ishte parashikuar që të niste në 6 tetor, por sipas FSHB, nuk kanë mbaruar procefurat e regjistrimeve të klubeve dhe si pasojë, mund të ndryshohen afatet.

 

Trajneri i kampioneve të Flamurtarit, Viron Toska, në një intervistë për neësport.al ,tregon për të gjitha problemet e basketbollit në Shqipëri, objektivat e ekipit, si dhe problemet e Kombëtares Shqiptare.

-Zoti Toska, cilat janë projektet dhe pretendimet e skuadrës së Flamurtarit këtë sezon

Gjithmonë Flamurtari synimet dhe projektet i ka të mëdha dhe gjithmonë synon fitimin e të gjithë trofeve, minimalisht, fitmin e Kampionatit, edhe sivjet këtëo janë objektivat e skuadrës. Jo vetëm për Kampion, por edhe për fitimin e Kupës dhe Superkupës.

-Afrime dhe Largime këtë sezon nga skuadra, a ka patur?

Këtë sezon pothuajse është skuadra e vjetshme, janë në Vlorë të dy lojtaret e huaja Nik Paleviç dhe Corto dhe skuadra e Flamurtarit me të gjitha shqiptaret që ka patur, vlonjatet si dhe ato që janë në Tiranë,është e gjitha e kompletuar.

-Cilësia dhe niveli i Basketbollit në Shqipëri, si është sipas jush?

Këto vitet e fundit ka një rritje të lartë, falë blerjeve që ka bërë Flamurtari, por më pas edhe Tirana, pasi kanë qënë blerje cilësore dhe me nivel, duke rritur kështu dhe nivelin e Kampionatit, si dhe duke dhënë eksperiencë dhe të lojtaret shqiptare. Këtë vit sërish pretendente do të jenë Tirana dhe  Flamurtari, pasi kanë bërë blerje shumë të mira.

- Përse Kombëtarja Shqiptare nuk ka arritur sukses atëherë, kur niveli është rritur në Kampionat?

Në Shqipëri ka një mungesë të vajzave të gjata, megjithëse po vjen një brezë i ri me vajza të gjatë, por me kalimin e viteve, duke parë që edhe lojtaret U-16  dhe U-18 marrin pjesë në kompeticione Europiane do të kemi një Kombëtare më të mirë, pasi lojtaret që po vijnë po fitojnë eksperiencë.

-Vetëm shtatlartësia  është problemi?

Gjatë këtyre viteve ka patur edhe një handikap për mendimin tim, vajzat që janë mbi 30 vjeç, në kundërshtim me meshkujt, nuk lejohen të luajnë për shkak të moshës, ndërkohë që në Kombëtaren  Italiane apo dhe Kombëtare të tjera, dominojnë lojtare që janë me moshë 37-38 vjeç dhe janë shtyllat e ekipit dhe tërheqin skuadrat e tyre përpara, në Shqipëri u bë kjo gjë, që nuk lejohet, që për mendimin tim ishte e gabuar, se ne nuk kemi aq lojtare, sa të kemi luksin për t'i zgjedhur, po të kishim lojtaret me eksperiencë, niveli i Kombëtares nuk do të ishte ky.

-Po me buxhetin dhe fondet si jeni? Keni probleme me pagesat?

Vlora ka një të mirë që ka një mbështejte të Bashkisë, që gjej rastin ta falenderoj, por ne përpiqemi për të gjetur dhe sponsor, gjithmonë na ka ndihmuar një person, që unë gjej rastin ta falenderoj, ai është Bujar Leskaj, na ka qëndruar si nga ana morale, si dhe në çdo drejtim, e falenderoj për dashamirësinë. Por Flamurtari synon që të gjejë sponsor të qëndrueshëm dhe jemi në kërkim, besoj se së afërmi do të ndryshojë situata

-Çfarë problemi ka Federata apo Basketbolli në vend?

Tani ajo është punë e Federatës, si i menaxhon gjërat. Por për mendimin tim, mirë do ishte që të mbaheshin afatet e përcaktuara për fillimin e Kampionatit, mos t'i ndryshojnë herë pas here, se skuadrat shpenzojnë për tu bërë gati, për fazën përgtatitore dhe pastaj vjen njoftimi që data është shtyrë. Sivjet ka zvarritje për fillimin e Kampionatit, që për mendimin tim është e gabuar. Afatet janë për tu zbatuar, Flamurtari është ndër të parat skuadra që ka dorëzuar gjithë dokumentaxionin e nevojshëm në FSHB dhe ka bërë pagesat. U tha fillimisht se do të fillonte në datën 6, por me zvarritjet që po bëjnë duket e pamundur.

-Shumë faleminderit për intervistën zoti Toska, shumë suksese këtë sezon!

Faleminderit juve, gjithashtu!

Tags:

BASKETBALL

Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?

  • Po
  • Jo
  • Nuk e di

Lexo gjithashtu

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga