Intervista/ Shtubina me oreks kampioni, e do titullin në Shkodër

Kapiteni i Vllaznisë, Ndriçim Shtubina, në një intervistë për newsport.al, ka treguar gjendjen aktuale të Vllaznisë që po përgatitet për sezonin e ri duke folur dhe për objektivat e ekipit. Ai gjithashtu konfirmoi të ardhmen e tij te shkodranët dhe u ndal të komentojë mbi stadiumin e ri.

Shtubina me djalin e tij si tifozë të Vllaznisë

– A është zyrtarisht Shtubina pjesë e Vllaznisë për sezonin e ri?

– Po jam zyrtarisht pjesë e Vllaznisë pasi kam firmosur një kontratë dy-vjeçare me klubin.

– Si duket gjendja e ekipit me përgatitjet e deritanishme?

– Gjendja e ekipit deri më tani duket optimale, por gjithsesi mbetet e nevojshme kryerja e 2-3 përforcimeve cilësore pasi siç dihet kampionati është shumë i fortë.

– Çfarë objektivsh ka Vllaznia në sezonin që pritet të fillojë?

– Objektivi i Vllaznisë për vetë emrin që ka duhet të jetë titulli kampion, por për kushtet në të cilat ndodhemi është e vështirë të prëtendojmë shumë gjëra.

– A do të jetë stadiumi i ri një plus për Vllazninë e këtij viti?

– Unë personalisht po e pres me padurim të luaj në stadiumin e ri. Normalisht që do të jetë një plus i madh për ne pasi Vllaznia ka tifoza të shumtë të cilët janë absolutisht më të mirët në Shqipëri. Ata tifoza e kanë mbajtur gjallë këtë Vllazni.

– Si e parashikon Shtubina kampionatin këtë vit?

– Parashikoj një kampionat shumë të bukur sepse do të ketë shumë rivalitet.