Egnatia këtë sezon po bën një kampionat shumë të mirë në Kategorinë e Parë, ku deri më tani në 14 ndeshje të luajtura ka arritur të grumbullojë 25 pikë dhe të renditet në vendin e 3-të, pas Bylisit dhe Besës. Në përbërje të tyre, rrogozhinasit kanë një lojtar me shumë cilësi, sikurse është Klajdi Broshka, i cili me formën dhe performancat e tij shumë pozitive, ka bërë që në të gjitha takimet të jetë një titullar i padiskutueshëm.
Në një intervistë për newsport.al, 25 vjeçari rrëfen historinë e tij si ka arritur të bëhet futbollist, e deri tek klubi që ai është tifoz. Djaloshi më tej nuk “kursehet” për disa klube të Superligës, ku dëshiron që një ditë të jetë pjesë e ndonjërës prej tyre.
1 – Klajdi, ju në këtë sezon keni arritur të bëni shumë mirë me skuadrën e Egnatias, pasi në 14 ndeshjet e luajtura deri më tani, keni qenë gjithmonë në formacionin bazë, por nuk keni arritur të gjeni ende golin e parë në kampionat. Si e komentoni këtë situatë?
Falenderoj Zotin që çdo gjë ka shkuar mirë për mua në këtë sezon. Me ekipin e Egnatias kam shënuar dy gola deri më tani, një për Kupën e Shqipërisë ndaj Dinamos dhe një në kampionat ndaj ish-ekipt, Turbinës.
2 – Egnatia deri më tani renditet në vendin e 3-të, 5 pikë larg kreut. Mendoni se është shumë e vështirë për të dalë në vend të parë dhe për t’u ngjitur në Superligë?
Në këtë grup që jeni, normale që ka skuadra të forta. Megjithatë, objektivat tona janë për ngjitjen në Superligë.
3 – Kush është çelsëi i suksesit të kësaj skuadre dhe e mendonit në fillim të sezonit se në këtë fazë do të ishit në vendin e 3-të?
Çelsëi i suksesit të kësaj skuadre është harmonia midis lojtarëve dhe kundrejt klubit në të gjitha aspektet.
4 – Keni ndonjë koment për trajnerin dhe shokët e skuadrës?
I respektoj dhe i falenderoj për bashkëpunimin që kemi. Për mua është kënaqësi që punoj me ta. Janë profesionista.
5 – Ju jeni ende 25 vjeç dhe rruga për karrierë është shumë e gjatë. Cilën prej skuadrave të elitës së futbollit shqiptar dëshironi të jeni pjesë?
Shpresoj që të kem karrierë të gjatë futbollistike dhe normale që çdo futbollist, sikurse edhe unë, dëshirojë të luajë me ekipet elitare si Tirana, Partizani, Flamurtari etj.
6 – Të ardhmen tënde e mendon brenda vendit, apo dëshiron të luash në një kampionat më të fortë jashtë Shqipërisë?
Për momentin jam i përqendruar këtu, por në një të ardhme dëshira ime është e madhe për jashtë vendit.
7 – Kush është faktori që të ka shtyrë të bëhesh futbollist dhe kush është lojtari i preferuar në futboll apo skuadra që ti je tifoz?
Faktori kryesor që më ka shtyrë të bëhem futbollist është familja, në veçanti babai që e falenderoj shumë. Lojtari im i preferuar në futboll është Javier Zanetti, i cili i jepte një shembull të veçantë sportit. Interi është skuadra që unë jam tifoz.
8 – Këtë sezon, tifozët e Egnatias kanë treguar se e kanë ndjekur skuadrën e qytetit të tyre nga shkallët e stadiumit, duke i mbushur plotë. Keni ndonjë mesazh për ta?
Tifozët e Egnatias janë padyshim krahu jonë i djathtë dhe na kanë mbështetur në çdo situatë që jemi ndodhur. Janë të mrekullueshëm. I falenderoj nga zemra!
/Nazif ZYLALI/
Loading ...
