Serjan Repaj është qendërmbrojtësi 22-vjeçar i Apolonisë i cili po performon shkëlqyeshëm këtë sezon me fanelën e fieraktëve. Titullar në 21 nga 22 ndeshje të luajtura, Repaj është një hallkë e rëndësishme e skuadrës së Dovedan. Së fundmi, ai ka dhënë një intervistë për median e klubit ku është rrëfyer gjerë e gjatë për fillimet e karrierës së tij te Vllaznia, e deri te ëndrrat më të mëdha.
[caption id="attachment_689976" align="alignnone" width="364"]
Serjan Repaj[/caption]
Serjan, ju jeni nga Shkodra, qytet me traditë dhe futboll të zhvilluar dhe një popull interesant e futbolldashës. Si u bëre lojtar profesionist futbolli? Nga nisi rrugëtimi juaj?
Karriera ime si futbollist nisi në moshën 9-vjeçare në ekipin e fshatit tim ku u rrita deri në moshën 12-vjeçare. Pastaj fillova me ekipet zinxhir të Vllaznisë aty ku pothuajse në çdo grupmoshë kena dalë kampion. Dy vitet e fundit të ekipive zinxhir kena fitu dy herë Kupën e Shqipërisë dhe një here kampionatin. Luajta në UEFA YOUTH LEAGUE, eksperienca më e bukur për një futbollist të ri. Në moshën 19-vjeçare debutova në ekipin e parë të Vllaznisë moment që nuk do ta harroj kurrë. Ishte andrra ime, por asht edhe andrra e çdo shkodrani.
Cila ishte pjesa më e vështirë e rrugëtimit tuaj për t’u bërë një futbollist profesionist?
Pjesa më e vështirë ishte momenti ku dola nga moshat në ekipin e parë dhe aty fillon dhe bahet ma e vështirë cdo gja.
Kush ka pasur ndikimin më të madh në karrierën tuaj?
Baba jem asht personi i vetëm që kishte besim dhe gjithmonë më jepte kurajo për të vazhduar përpara.
Për cilën arritje në karrierën tuaj të futbollit jeni më krenar?
Krenar që kam vesh dy fanela me histori dhe kulturë në kampionatin shqiptare, atë të Vllaznisë dhe të Apolonisë.
Cila ishte këshilla më e mirë që dikush ju ka dhënë për të luajtur futboll?
Këshilla që kam marrë nga trajneri Kamarata, Nëse doni që të ecni para, duhet të kaloni limitet tuaja personale.
Cilat kanë qenë momentet më të këqija në karrierën e futbollit? Po më të mirat?
Momentet më të mira i kalova këtu në Fier vitin që Apolonia ishte në Superiore. Momenti më i keq që kam mësuar prej tij asht kartoni i kuq në ndeshjen e fundit të Superligës.
Si qëndroni në formë në periudhën jashtë sezonit?
Ne jemi profesionista dhe nuk rrimë asnjëherë pushim. Marrim programin që na jep trajneri dhe e zbatojmë me seriozitet.
Çfarë pengesash ju është dashur të kapërceni për të arritur këtu ku jeni sot në karrierën tuaj?
Pengesa më e madhe është jeta jashtë sportit e cila të tërheq, por duhet sakrificë e madhe ta lësh pas.
Si e trajtoni zhgënjimin pas një humbjeje?
Të them të drejtën i përjetoj pak keq humbjet nuk më dilet fare nga shtëpia derisa ta marr veten.
Si qëndroni të motivuar edhe kur rezultatet nuk ju ecin?
Eci gjithmonë me “pas vështirësisë vjen lehtësimi.
Kush është futbollisti juaj i preferuar dhe pse?
Futbollisti im i preferuar është Sergio Ramos më pëlqen grinta që ka dhe roli i liderit që merr gjithmonë në fushën e lojës.
A keni ndonjë këshillë për prindërit, fëmijët e të cilëve luajnë futboll në Akademinë e Futbollit F.K. Apolonia?
Dua t’u them dicka të rëndësishme. Shpresoj që të vlejë kjo si këshillë. Mos i lini fëmijët që të ndikohen nga shoqëria jashtë futbollit dhe mbështetini dhe jepini zemër që të ndjekin ëndrrën e tyre.
Ku e shikon veten pas pas ca vitesh Serjan Repaj?
Dëshira ime është që të kap një kampionat jashtë Shqipërisë dhe besoj se me ndihmën e Zotit, në një të ardhme shumë të shpejtë do t’ia arrij.
Lexo gjithashtu
