Endri Çekiçi, mesfushori i talentuar që luan në Kroaci për Lokomotivën e Zagrebit, në një prononcim për newsport.al ka folur për ekipin e tij, por edhe për përfaqësuesen Shqiptare. Çekiçi është shumë i lumtur te Lokomotiva dhe premton që do të bëjë më të mirën për atë skuadër. Gjithashtu 19-vjeçari shprehet edhe për kombëtaren kuqezi, me të cilën shpreson që të arrihet gjithmonë më e mira.
- Si po ju shkon aventura juaj në Kroaci?
Deri tani mendoj se po shkon shumë mirë dhe jam i kënaqur.
- Jeni i lumtur me skuadrën tuaj?
Po siç e thash më lart jam shumë i kënaqur. Kemi shkuar për herë të parë në fazën e play off të Europa League. Jemi ekip me çuna të rinj dhe atmosfera në grupin tonë është shumë emirë.
- Në skuadër keni edhe dy shqiptarë të tjerë, ndihesh më mirë me prezencën e tyre?
Është më e lehtë brenda, por dhe jashtë fushës duke qenë se shoqërohemi së bashku dhe normalisht ndihemi shumë mirë.
- Ç'objektiv keni për këtë sezon?
Unë kam vetëm një objektiv. Dua që momentalisht të fokusohem këtu ku luaj dhe të jap më të mirën për fanellën që unë përfaqësoj.
- Jeni pjesë e rëndësishme e U-21, jeni i lumtur?
Natyrisht që jam i lumtur, sidomos kur e dëgjoj këtë. Për kombëtaren është gjithmonë kënaqësi dhe privilegj të luash.
- Prisni ftesë nga De Biazi?
Ajo është diçka që i takon trajnerit. Unë duhet të jap maksimumin tim që ta bind. Të përfaqësosh ngjyrat e kombit tënd është një lumturi e papërshkrueshme.
- Ç'synime ke për të ardhmen?
Për të ardhmen nuk mund të flas. Unë për momentin po stërvitem që të jap gjithçka për Lokomotivën. Të ardhmen nuk e parashikoj dot. Dua të them që jam i lumtur në ekipin ku bëj pjesë.
Lexo gjithashtu
