Intervista/ Nga Shkëndija te dashuria për “Shqipninë”, zbuloni sekretet interesante të tifozëve Ballistë

Tifo-grupi i zjarrtë i Shkëndijës së Tetovës, ballistët, në një prononcim për newsport.al kanë folur se si nisi organizimi i këtij grupi, pse kanë vendosur këtë emër dhe çfarë mendojnë ata për skuadrën e tyre. Gjithashtu tifozët e skuadrës shqiptare flasin gjithë emocion dhe lumturi për arritjen e madhe që po bën skuadra e tyre. Por kanë edhe një peng, të cilin po e vuajnë nga një vit e gjysmë.

– Pse është zgjedhur emri ballist?
Emri Ballist është përzgjedhur pasi që nën regjimin e Ballistëve, trojet e Iliridës janë administruar nga Shqiptarët dhe gjithë Ilirida ka qenë pjesë e Shqipërisë nga viti 1941-1944.

– Si është i organizuar grupi?
Me riorganizimin e ri që u bë në janar të këtij viti u bënë disa ndryshime, ku vlen të theksohet zgjerimi i kryesisë dhe përfshirja e çdo lagjeje ose zone me përfaqësues të zgjedhur nga vet ata në Kryesine e Ballistëve si dhe mbledhje e përgjithshme me antarsinë e Ballistëve, e cila duhet të zhvillohet çdo dy muaj.

– Çfarë është për ju Shkëndija?
Shkëndija për ne është Oksigjen-pa të cilin nuk mund të frymohet.

– Gjithmonë pas kombëtares. Pse jo me tifozët kuqezi?
Ka pasur shumë raste ku së bashku me TKZ kemi qenë në një tribunë dhe së bashku kemi bërë tifo.

– A është ky momenti më i mirë për Shkëndijën?
Lirisht mund të thuhet pasi që për herë të parë u fitua Kupa e fyrom-it (pas dy finaleve të humbura) dhe njëkohësisht jemi edhe pranë Play Off-it ëndërr e kahëmotshme e cila është duke u realizuar.

– Si po e përjetoni Europën?
Europën e përjetojmë në mënyrë të rëndomtë pasi që për 5-6 vite jemi pjesëmarrës të rregullt të saj, por kalimi i pothuajse tre raundeve të Euro League (e themi tre raunde pasi që rezultati 2-0 i ndeshjes së pare me M. Boleslav, na bën të besojmë se mund ta kalojmë edhe këtë raund) na ngre ne qiellin e shtatë.

– Deri ku do të shkojë Shkëndija?
Me pak fat shpresojmë që të futemi në grupe të Euro League.

– A ju mungon stadiumi i Tetovës?
Është normale të na mungojë pasi, me përjashtim të tre ndeshjeve, pothuajse nga një vit e gjysëm të gjitha ndeshjet i zhvillojmë në transfertë. Është lodhje shumë e madhe, por dashuria ndaj Shkëndijës na bën ta harrojmë lodhjen.

– Do jetë ky viti i titullit?
Me investimin dhe profesionalizmin që është duke shfaqur ne menaxhimin e Shkëndijës “Ecolog” dhe pronari i saj z.Lazim Destani jemi të bindur që ky do jetë viti i titullit, edhe përkundër gjitha shkeljeve dhe padrejtësive që na bëhen nga Federata e Futbollit, arbitrat dhe shteti i sllavëve.

– Një mesazh për të gjithë shqiptarët nga Ballistët?
Mesazhi ynë për Shqiptarët është “KOMBI MBI TË GJITHA”.