Tek Interi mesa duket është hapur “sezoni” i rinovimeve të kontratave. Pasi zyrtarizuan zgjatjen e bashkëpunimit me Federico Dimarcon dhe Matteo Darmian, radhën për të rinovuar e ka Henrikh Mkhitaryan.
Mesfushori armen ka zgjatur kontratën me zikaltërit deri në qershor të vitit 2026. Lajmin e ka bërë të ditur vetë Interi me anë të një postimi në faqen zyrtare ku shkruan:
“FC Internazionale Milano njofton se ka arritur marrëveshjen për vazhdimin e kontratës së lojtarit Henrikh Mkhitaryan: mesfushori i lindur në vitin 1989 do të jetë me zikaltrit deri më 30 qershor 2026”.
Kujtojmë që Mkhitaryan u transferua tek Interi nga Roma në verën e 2022-shit si një transfer i lirë. Me zikaltërit, armeni numëron 49 ndeshje, në të cilat ka shënuar 5 gola.
Lexo gjithashtu
