Instanbulspor e mbylli me humbje 4-3 ndeshjen kundër Denizlispor, e vlefshme për Ligën e Parë turke. Të treja golat për klubin mik u shënuan nga Eduart Rroca, por pa arritur t’i sigurojë pikë klubit të tij. Mesfushori i njohur shqiptar duket se e ka bërë sefte në rikthimin në fushën e blertë. Vendasit po fitonin 1-0, ndërsa në minutën e 28-të, është lojtari shqiptar që shkund rrjetën duke vënë barazpeshën në fushë.
Rroca u kthye në fushë pas një dëmtimi të gjatë, ndërsa cilësitë e tij vijon t’i tregojë sërish. 28-vjeçari nga Librazhdi bën të pabesueshmen teksa në minutën e 39-të realizon edhe një herë në portën e Denizlispor. Nuk ka zgjatur shumë festa e miqve, pasi në të 40-tën, vendasit barazojnë sërish. Mirëpo është sërish Rroca. Mesfushori shqiptar i pandalshëm teksa realizon edhe golin e tretë për Instanbulspor që e çoi klubin e tij në dhomat e zhveshjes me avantazh. Megjithatë, vendasit e Denizlispor arritën të shënon dy herë në pjesën e dytë, për fituar ndeshjen.
Goli i parë
Goli i dytë
Goli i tretë
Lexo gjithashtu
