Ilir Daja ka reaguar për lajmet më të fundit në Shqipëri që e bëjnë atë kandidat potencial për të marrë drejtimin e Kombëtares. Tekniku kryeqytetas është padyshim më i miri i dekadës së fundit në trajningun shqiptar. Sipas shtypit të shkruar ai mund të marrë drejtimin e kuqezinjve.
Për këtë, Daja ka thënë se nuk ka asnjë kontakt me askënd nga drejtuesit e Federatës Shqiptare të Futbollit. Sigurisht dëshirën për të qenë në krye të Shqipërisë nuk e fsheh për Kanal 10. Në prononcimin e dhënë për median në fjalë, trajneri kryeqytetas ka deklaruar:
“Unë mendoj që kulmi i çdo trajneri është të marrë drejtimin e ekipit kombëtar. Por unë jam në kontratë me Ballkanin dhe nuk kam pasur kontakt të drejtpërdrejtë me askënd.
Nëse unë jam kandidat potencial për t’u bërë trajner i Shqipërisë, së pari duhet të flas me drejtuesit e Ballkanit pasi kam edhe dy vite kontratë këtu. Vetë personalisht nuk jam kontaktuar nga drejtuesit e Federatës Shqiptare të Futbollit”, është shprehur ai.
Lexo gjithashtu
