Si të mos mjaftonin problemet me UEFA-n, Skënderbeu këtë sezon duket se po kalon vitin më të vështirë. Edhe pse në krye të skuadrës kanë afruar një trajner si Ilir Daja, korçarët po vuajnë mungesat e cilësive në organikë. Këtë javë do të udhëtojnë në transfertë për t'u përballur me Tiranën, por tekniku kryeqytetas nuk do të ketë të gatshëm plot katër futbollistë.
Prapavija mbetet tërësisht e zbuluar pasi Turtulli dhe Pollozhani janë të dëmtuar. Ndërkohë në mesin e fushës, Bruno Dita vijon fazën e riaftësimit ndërsa në sulm Nazmi Gripshi ka pësuar një dëmtim që pritet ta lërë jashtë kundër Tiranës. Një situatë vërtetë e vështirë për Ilir Dajën, megjithatë vetëm dita e shtunë, në orën 16:00 do të tregojë manovrat që mund të bëjë trajneri i njohur.
Lexo gjithashtu
