Labinot Ibrahimi dhe Ylber Ramadani janë dy lojtarët e Partizanit, të cilët kanë pasaportë kosovare, gjë që nuk i lejon të udhëtojnë me skuadrën drejt Rusisë për t’u ndeshur me Krasnodar për llogari të “play-off”-it të Europa League.
Ata nuk po pajisen me vizë, pasi Rusia nuk e njeh Kosovën, e si për pasojë penalizohet klubi i kuq, të cilit do t’i mungojnë dy lojtarët më të rëndësishëm. Por, për këtë situatë po mendojnë dhe tifozët më të zjarrtë të Partizanit, të cilët e quajnë “bushtër” shtetin Rus. Madje, ata kërcënojnë hapur, ku nëse nuk zgjidhet kjo situatë, ata do të vihen kundër Ambasadës së Rusisë në Tiranë.
“Po ndjekim me shume vëmendje zhvillimet e ditëve të fundit, ku Partizanit tonë po i bëhet presion në lidhje me vizat e Labinot Ibrahimit dhe Ylber Ramadanit, dy shqiptarët nga Kosova që kanë si pasaportë atë të shtetit më të ri të formuar në krahinën e madhe të Shqipërisë Verilindore. Provokimi i ulët dhe meskin i politikës pro-serbe që bushtra e tyre e madhe që e quajnë “nënë”, Rusia, bëri ndaj Partizanit, Shqipërisë sonë Etnike dhe krejt shqiptarisë ishte i turpshëm dhe derivat i fuqisë që ka shteti-bushtër në arenën e huaj për të mbështetur këlyshët e saj që janë përhapur si metastaza në Kontinentin e Vjetër.
Në këto kushte, mbështetim pa më të voglën mëdyshje çdo iniciative të drejtuesve të klubit për bojkotimin e ndeshjes, qoftë edhe sikur barrën ta mbajmë ne mbi shpinë e jo kriminelët që nuk mund ta lajnë dot gjakun e të pafajshmëve nga duart. I bëjmë thirrje drejtuesve të Partizanit që të qëndrojnë thundrafortë në këtë betejë dhe të mos e ulin kokën, qoftë edhe sikur fatura për të paguar të jetë shumë e rëndë!
Asnjë tur europian, asnjë sukses në arenën e huaj nuk vlen asgjë përpara identitetit tonë kombëtar.
Gjithashtu, u bëjmë me dije të gjithë tifozëve të Partizanit, se nëse shteti rus nuk ndryshon qëndrim, do t’u shkojmë për një vizitë “kortezie” në ambasadë!
Veç Shqipëri Etnike, kurrgjo tjetër!”, thuhet në deklaratën e tifozëve.
Loading ...
Leave a Reply
You must be logged in to post a comment.