Interi ia doli të triumfojë 4-0 ndaj Udineses në Serie A. një fitore e rëndësishme për zikaltërtit që rimarrin kreun e klasifikimit me 2 pikë më shumë se Juventusi.
Një prej autorëve të golave ishte edhe Federico Dimarco. Ky i fundit shënoi golin e dytë, gol të cilin e kishte parashikuar mesfushori shqiptar, Kristjan Asllani. Pas ndeshjes Dimarco tregoi se krahasimi me Roberto Carlos e gëzon dhe se Interi këtë sezon është në rrugën e duhur.
“Gjatë javës Asllani e kishte parashikuar golin tim dhe më kishte thënë se do të shënoja. Jam shumë i lumtur për golin, por edhe për skuadrën. Po tregojmë mentalitetin e duhur. Po luajmë mirë dhe në këtë formë po vijnë edhe rezultatet.
Krahasimi me Recoba dhe Roberto Carlos? Nuk më pëlqejnë krahasimet, edhe pse normalisht që më bëhet qejfi. Janë lojtarë të cilët kanë bërë historinë e Inter, më vjen mirë që tifozët mendojnë se qëndroj përkrah tyre.
Megjithatë, unë këtë rol e interpretoj sipas mënyrës sime. Kërkoj edhe pjesën e brendshme të fushës, jo vetëm në anësore. Mendoj të krijoj pika pasimi dhe t’i krijoj hapësira shokëve, dua të luaj gjithmonë për të mirën e skuadrës.A do të na bezdisë Juventusi për titullin? Nuk e di, janë të fortë ashtu si Milan, Napoli dhe Roma. Por, ne duhet të mendojmë për skuardën tonë pa hedhur sytë nga të tjerët”, u shpreh Dimarco.
Lexo gjithashtu
