Atalanta ia doli që të kualifikohej në çerekfinalet e Europa League pasi fitoi 2-1 përballë Sportingut të Lisbonës. Ndeshja e parë kishte përfunduar në barazim 1-1, teksa ky triumf ishte vendimtar për vazhdimësinë e bergamaskëve në këtë kompeticion.
Padyshim një nga pikat kyçe të kësaj ndeshje, por edhe të gjithë këtij sezoni për Atalantën është Berat Gjimshiti. Si çdo ndeshje në këtë sezon, Gjimshiti ishte superior edhe sonte përballë portugezëve. Diçka të tillë e thonë edhe vetë statistikat e kapitenit të Kombëtares shqiptare.
Në këtë sfidë, 30-vjeçari e ka prekur topin 64 herë, teksa ka dhuruar 50 pasime. Në këto 50 pasime, plot 90% kanë qenë të sakta, pra 45 prej tyre. Gjimshiti gjithashtu ka dhuruar 5 pasime të gjata të sakta nga 7 të kryera gjithsej.
Përsa i përket dueleve, shqiptari vazhdon të jetë i pamposhtur pasi në ajër apo në tokë nga 5 duelet e bëra, ai i ka fituar të gjitha. Statistika fantastike që i japin Gjimshitit një tjetër figurë jo vetëm te shqiptarët, por tashmë edhe në arenën ndërkombëtare, ku sonte u vlerësua me notën 7.6.
Lexo gjithashtu
