Merkatoja verore ka qenë e vrullshme për skuadrat e Superiores, ku ka pasur shumë "hyrje-dalje". Megjithatë nga lojtarët e afruar, Partizani dhe Tirana duken që kanë "qëlluar në shenjë". Kaleb Ekuban po shkëlqen me lojën e tij, ndërsa te Tirana Merveille i ka magjepsur të gjithë. Ndërkohë Liridon Latifi është i pazëvendësueshëm në skuadrën kampione të Skënderbeut.
Të tre këta lojtarë shihen si futbollistë të perspektivës. Mosha e re dhe talenti që kanë shfaqur në futbollin shqiptar i rrisin vlerat e tyre. Gjithashtu Latifi është vetëm 22 vjeç dhe bën pjesë në kombëtaren kuqezi, ndërsa së fundmi 18-vjeçari i bardhebluve është ftuar nga kombëtarja kongoleze.
Duhet theksuar një fakt i rëndësishëm që 22-vjeçari Ekuban, është pjesë e Partizanit, por në formë huazimi nga skuadra e Chievos. Megjithatë nga drejtuesit është premtuar që do të nisin negociatat për të blerë përfundimisht kartonin e tij.
[gallery size="full" columns="1" ids="50901,50902,50903"]
Lexo gjithashtu
