Qazim Laçi është një nga lojtarët më premtues kuqezi. Momentalisht, ai ndodhet në Korsikë të Francës, vend ku po kalon edhe këtë periudhë karantine.
Në një intervistë të dhënë për Sportmagazine, lojtari i Ajaccios ka treguar se si po e kalon këtë situatë të vështirë, synimet për të ardhmen si dhe miqtë që ka te Kombëtarja e tij.
E thotë hapur se joshet nga Edi Reja që kërkon ta ketë në organikën e tij, ndërsa nuk ngurron të tregojë edhe ëndrrën. Fillimisht tregon situatën aktuale teksa shprehet:
“Është paksa e keqe situata në Francë. Dalim për të bërë pazarin dhe për të bërë pak vrapim. Trajneri na ka dhënë një plan për të gjitha këto javët dhe do vazhdojmë të bëjmë stërvitjet që na kanë dhënë. Kemi folur me trajnerin dhe me trajnerin fizk që na ka bërë planin dhe do vijojmë sa të kemi mundesi, duke shfrytëzuar edhe rastin për të bërë pak vrapime jashtë.
E ardhmja? Për momentin për shkakun që u ndal kampionati jemi ende në bisedime sa i përket rinovimit, sepse kampionati ndoshta vazhdon përpsëri, por nuk i dihet ende nëse do vijojnë ndeshjet apo jo. Por me ekipin jemi në bisedime të mira dhe përfundimisht do e shohim.
Kombëtarja? Interesimi i Rejës më jep kurajo, sepse çdo njeriu kur i vjen një ftesë nga ekipi kombëtar është shumë i kënaqur dhe e falenderoj Rejan. Shpresoj ta kem sërish një ftesë prej tij, por për momentin është e rëndësishme të ruajmë shëndetin tonë dhe të qendrojmë në shtëpi.
Miqtë futbollistë? Për mua do të ishte një kënaqësi shumë e madhe të luaj sërish me ata lojtarë që kam luajtur te Shpresat, sepse ka shumë lojtarë si Keidi Bare, Strakosha, Hysaj, që ishte pak më i madh, dhe do ishte një grup vërtet interesat. Me ta do kishte shumë shpresa që do të krijohej një grup shumë i mirë.
Zmijani? Kam dëgjuar që ka luajtur Hysen Zmijani, por nuk e kam takuar nga afër. Më ka folur dhe trajneri për zotin Zmijani. Një lojtar i madh.
Futbolli francez? Futbolli këtu është shumë i vështirë. Nga ana fizike, nga ana e forcës është një kampionat shumë i fortë. Nga ana taktike duhet të jesh 100% i përqendruar dhe kërkon shumë dyluftime.
Ëndrra? Në këtë situatë që jemi mendojmë shumë gjëra, por për momentin, mendojmë që të kemi shëndet kjo ka rëndësi. Po nuk pate shëndetin nuk arrin asgjë. Shpresoj që t’ia dalim”, ka përfunduar ai.
Lexo gjithashtu
