Kombëtarja shqiptare sot do t’iu japë dorën e fundit përgatitjeve në prag të sfidës me Izraelin që do të luhet nesër në “Elbasan Arena” në orën 20:45, sfidë e vlefshme për Ligën e Kombeve.
Prej disa ditësh, kuqezinjtë kanë zhvilluar stërvitje intensive nën drejtimin e trajnerit, Cristian Panucci. Prej ditësh ishte folur se Kombëtaren do ta vizitonte një mik i veçantë para kësaj sfide. Bëhet fjalë për ish-trajnerin Giani De Biasi.
Paraardhësi i Panuccit do të zbresë sot në fushën e blertë sot, gjatë kohës që lojtarët do zhvillojnë seancën stërvitore. Ai do të ketë çfarë t’iu thotë kuqezinjve, pasi nga kjo Kombëtare tekniku italian u largua fill pas fitores me Izraelin 3-0.