Vllaznia do të presë nesër Kastriotin në “Loro Boriçi”, në orën 17:00 për javën e 23=të të Kategorisë Superiore. Para ndeshjes trajneri Mirel Josa foli në konferencën për shtyp.
Një skuadër e lehtë në letër por përballë Vllaznisë ka treguar dëshirë dhe ka kërkuar pikë.
Nuk mund ta quaj skuadër të lehtë Kastriotin për faktin sepse përvec kampionatit të sivjetshëm, ka treguar që ka shpirt garte dhe cliësi. E kanë treguar rezultatet.
Skuadra e Kastriotit ka ardhë në Shkodër dhe ka treguar karakter, ka marrë edhe pikë dhe nuk e konsideroj të lehtë pavarësisht pozitave. Edhe me Tiranën tregoi karakter pavarësisht se humbi në shtesë. Ndeshjet nuk i konsideroj të fituara pa filluar dhe mbaruar.
I kënaqur nga kontigjenti i skuadrës?
Unë do të jem i kënaqur kur edhe lojtarët kanë pasur probleme të jenë 100% fizikisht për të luajtur, kështuqë akoma. Kemi probleme të cilat uroj që të shuhen sa më shpejt.
Gara vështirësohet, a është Vllaznia e përgatitur?
Ne për këtë punë jemi përgatitur në këto momente. Mbaroi ndeshja me Egnatian, një ndeshje që na dha nota pozitive dhe negative. Nuk mund të themi që i bëmë të gjitha mirë. Duhet të jemi kritik me veten tonë për të rikuperuar gabimet. Nuk ka më ndeshje brenda dhe jashtë por ndeshje që fitohen, barazohen dhe humben. Kjo e fundit nuk më shkon nëpër mend por duhet të jemi vigjilent për të mos e sjellë situatën në vështirësi.
A do të jetë Kruja nesër titullar në krahun e djathtë të mbrojtjes?
Do të shohim nëse do të jetë në fushë, ai luan në 2-3 pozita. Uroj që qodtë Kruja apo edhe dikush tjetër të plotësojë detyrat që i jepen.
Një trepikësh është i domosdoshëm pas barazimit, edhe publiku e dëshiron.
Publiku gjithmonë ka kërkesa karshi nesh për të fituar të gjitha ndeshjet, edhe unë kam kërkesa për futbollistët edhe futbollsitët kanë kërkesa karshi vetes së tyre për të qenë në luftë qoftë për titullin, qoftë për Europën. Unë fillimisht shoh Europën sepse kemi skuadra mbrapa që kanë objektiv Europën, pot ë vijnë të dyja bashkë është mirë për ne.
Latifi po merr minutat e duhura, prisni më shumë prej tij?
Normal që pres më shumë si nga Latifi edhe nga të tjertë. Por gjendja e tij nuk është optimale, ne kërkojmë të kemi një Latif sa më të përgatitur për të përballuar ndeshjet. Është një lojtar që i di cilësitë e veta kështu që për mua minuta mori dy ndeshje përpara dhe tani në fund dhe do të shohim gjendjen e tij pasi ajo shihet në fushë.
Orari komod për publikun, një mesazh për tifozët?
Vllaznia hyn në fushë për të fituar dhe ju falenderoj për mbështetje si këtu edhe jashtë. Kanë qenë prezent edhe kur skuadra ka fituar por edhe kur ajo humbet.
Lexo gjithashtu
