Humbja në Izrael venit Kombëtaren, vëmendjen e merr derbi i kryeqytetit

E marta pritej të ishte një ditë feste për Shqipërinë, teksa do të përballet në stadiumin “Air Albania” me Islandën në kuadër të Ligës së Kombeve. Por, humbja 2-1 në Izrael ka shuar shpresat për një kualifikim të mundshëm në Grupin A.

Kuqezinjtë e Edi Rejës do të futen në fushë për të bërë detyrën, megjithëse 3 pikët mund t’i japin vetëm vendin e dytë për prestigj. Teksa pritej të ishte java e Kombëtares, humbja në Izrael venit kuqezinjtë duke i lënë vendin derbit të kryeqytetit.

Të dielën, Partizani pret Tiranën po në stadiumin “Air Albania”, në orën 19:00. E gjitha për t’u parë dhe shijuar. Dy ekipe që luftojnë prej vitesh jo vetëm për fitore, por edhe për prestigj, për kryeqytetin…