Liridon Latifi i pafat. Lojtari me të kthyer në fushën e lojës në sfidën me Egnatia është dëmtuar duke shqetësuar kështu stafin e Vllazninë. Ish-futbollisti i Skënderbeut vinte pas një mungesë të gjatë për shkak dëmtimi, teksa tashmë përsëri fati i keq vazhdon e ndjek.
Sikur të mos mjaftonte humbja me rrogozhinasit, tashmë Mirel Josa bëhet me dhimbje koke për shkak të Latifit, i cili vazhdon të shfaqi probleme në këmbën që e kishte të dëmtuar.
Mesfushori kosovar pritet t’iu nënshtrohet ekzaminimeve mjekësore për të mësuar më shumë mbi dëmtimin e tij. Mjekët do të shikojnë me imtësi nëpërmjet skanerit shqetësimin që shfaq Latifi për të bërë edhe programin për rikuperimin e tij të plotë.
Poll
Lexo gjithashtu
