Ilir Daja ka folur pas humbjes 3-0 të Partizanit në transfertë kundër Bazelit. Trajneri i të kuqve përgëzoi lojtarët e helvetëve për suksesin ndaj ekipit të tij, si dhe u ndal te mundësia e të tijve për të shënuar një gol.
Daja nuk e fshehu superioritetin e vendasve ndaj Partizanit, ku cilësitë individuale të tyre bënë diferencën. Në prononcimin e zakonshëm për mediet, tekniku kryeqytetas deklaroi: “Fitorja e Bazelit ishte e merituar, por ne mund t’i dhuronim vetes një gol”, tha ai.
Pas një jave, Bazeli do të luajë ndeshjen e kthimit në Tiranë. Shpresat për një përmbysje të të kuqve janë të vogla, megjithatë futbolli ka treguar se asnjëherë s’duhet thënë kurrë.
Loading ...
