Shqipëria do të përballet me Italinë ditën e nesërme në orën 20:45 në stadiumin Air Albania. Miqësorja e luksit pritet me shumë interes teksa biletat janë shitur të gjitha dhe në Air Albania, plot 22 mijë tifozë do të ndjekin supersfidën. Në konferencën për shtyp para ndeshjes, foli trajneri i Italisë, Mancini.
Ndeshja – Do të jetë një muaj i vështirë, sapo ka filluar. Mes trishtimit që ndjejmë në këto momente, ndeshjet duhet të luhen. Ka gjëra që duhen parë dhe vlerësuar. Ka aspekte që mund të jenë të vlefshme për në nga Marsi e më tutje. Edhe nëse nuk ka vlerë, ne duhet të provojmë lojtarë të rinj dhe dicka me skemat.
Chiesa dhe Zaniolo janë kthyer. Pse nuk është thirrur Kean? – Jemi të kënaqur që Chiesa është kthyer. Ai ka nevojë të rimarrë formën e tij. Zaniolo është lojtar i rëndësishëm për ne. Mund të na japi shumë dhe ai do të përmirësohet nbë të gjitha aspektet. Kean ka qenë me në shumë herë, nëse vazhdon të shënojë do të kthehet përsëri.
Cili bie në sy më shumë nga futbollsitët shqiptar në Serie A? – Janë të gjithë të mirë, ndryshe nuk do luanin në Serie A.
Eksperienca e këtyre ditëve? – E kam përjetuar keq që nga marsi. Meritonim të shkonim por ky është futbolli, pas një kënaqësie shumë të madhe vjen një zhgënjim. Botërori pa Italinë ëshët ndryshe. Duhet të punojmë në mënyrën e duhur që të mos përsëritet më.
A presim dicka ndryshe taktikisht? – Duke parë kualitetet e Zaniolos, mesfusha do të ishte një pozitë e mirë për të por ai luan shpesh edhe në krah. Sa për skemën, nuk e di, kemi ndryshuar disi në dy sfidat e fundit për të parë nëse marrin ndonjë avantazh. Lojtarët tanë luajnë shumë formacione.
Kombëtarja duhet dashuruar më shumë, ke ndjerë ndonjë shenjë më pak përkatësie? – Gjatë kampionatit mund të jenë disa lojtarë që ndihen të lodhur, është normale. Tani ne po rindërtojmë dhe mendoj se djemtë janë të vetëdijshëm për rëndësinë e ekipit kombëtar.
Mund të na japësh një mendim për fazën e parë të Serie A? – Napoli po dominon, për momentin po luan shumë mirë. Janë 4-5 të rinj që po luajnë në mënyrë konstante dhe kjo është pozitive për ne.
Do e nisë Chiesa nga minuta e parë? – Nesër nuk do e nisë nga fillimi. Ka nevojë për kohë që të marrë veten pastaj të shohim si shkon situata në këto 4-5 ditë. Ndoshta të dielën por tani ai nuk luan dot.
Sa e njeh Shqipërinë? – E njoh shumë mirë, shumë lojtarë luajnë në Itali. Hera e fundit kur kam ardhur këtu, luaja me U-21.
Keni përdorur formacionin 3-4-3? – Po, nuk mendoj se tre apo katër në mbrojtje është një faktor i rëndësishëm. Do e bëja edhe nëse nuk do e përdorja këtë formacion të ri por është e duhura të bësh teste të ndryshme sepse në të ardhmen mund të hyjnë në punë.
Pse e more Pafundin? – Sepse është një lojtar që e ndjekim prej vitesh. E kemi parë cfarë kualiteti ka me ekipet e moshave. Mendojmë se do të jetë një lojtar i madh në të ardhmen, është i ri dhe ne e kemi thirrur që tani për internshipin e qershorit. Pak a shumë si Zaniolo, erdhi kur nuk e njihte askush por tre muaj më vonë u bë një tjetër lojtar. Duam ta mbajmë dhe të mësojmë më shumë për të.
Lexo gjithashtu
