Habit shqiptari: I prisja sharjet në stadium

Mesfushori me tipare sulmuese i Red Bull Salzburg, Valon Berisha, ka qenë i vetmi shqiptar në radhët e austriakëve. Ai ka qenë dhe shënjestra e tifozëve të kuq, sidomos në momentin e 11-metërshit për austriakët. Megjithatë, ai shprehet i kënaqur për rezultatin, gjithashtu tregon edhe për kë skuadër kombëtare do të luajë në të ardhmen.

E kemi pasur të vështirë në Elbasan, ishim të përgatitur për këtë. Në skuadër kemi kualitete, por nuk kemi luajtur në 100%-shin tonë. “I prisja  ofendimet, se po luante një shqiptar kundër shqiptarëve. Nuk e di nëse kombëtarja e Shqipërisë më ka bërë ftesë, sepse unë kam debutuar 18 vjeç me atë të Norvegjisë. Nuk e di nëse do të luaj me Kosovën në shtator, por gjithçka mund të ndodhë. Për momentin mund të them se jam pjesë e kombëtares norvegjeze”.