Pas humbjes ndaj Interit në gjysmëfinalet e edicionit të përfunduar së fundmi, Barcelona rrezikon përjashtim nga Champions League për sezonin e ardhshëm, raporton “The Times”, duke pretenduar se klubi katalanas ka shkelur rregullat financiare të UEFA-s për të dytin vit radhazi.
Tetorin e kaluar, klubi katalanas humbi apelin në Gjykatën e Arbitrazhit Sportiv (CAS) për një gjobë prej 500,000 eurosh të vendosur për falsifikim të fitimeve të tij. “CAS” tha se sanksioni ishte i lehtë dhe e paralajmëroi Barcelonën se një shkelje e dytë do të rezultonte në sanksione më të ashpra.
"CFCB (Bordi i Kontrollit Financiar të Klubit) thekson se një shkelje e ngjashme nga klubi në procesin e monitorimit për sezonin 2023-24 do të përbënte një shkelje të përsëritur dhe një masë më e rëndë disiplinore do të merrej në konsideratë për Barcelona-n”. Sipas gazetës “Times”, kjo shkelje e dytë ka ndodhur vërtet, megjithëse ende nuk është specifikuar.
UEFA do të publikojë detajet e ekipeve që nuk i kanë përmbushur rregullat financiare në javët në vijim, por sanksionet e mundshme janë tashmë të njohura, sipas gazetës britanike: ato mund të variojnë nga një numër të kufizuar lojtarësh të regjistruar në Champions, deri në një penalizim në fazën e grupeve ose, në rastin më të keq, një përjashtim total nga Champions-i e ardhshme.
Lexo gjithashtu
