Sindrit Guri ka zhvilluar dje vizitat mjekësore te klubi i ri belg, Ostende. Gjithçka ka shkuar shumë mirë dhe sot do bëhet dhe prezantimi i "yllit" të Kukësit për tifozët e klubit të ri. Sikurse dhe u njoftua pak ditë më parë, kjo lëvizje e sulmuesit, bën që ai të mungojë në përballjen që Kukësi do luajë në fundjavë ndaj Vllaznisë.
Dje testet, sot prezantimi dhe mund të quhet fare mirë një kapitull i mbyllur për sulmuesin të cilit fati ka dashur që gjithçka t'i shkojë ashtu siç e kishte planifikuar që prej fillimit të sezonit.
Një supersezon me Kukësin, një superklub, pak fat në anën e tij dhe gjithçka është bërë realitet. Tashmë Guri ka vetëm një objektiv, fitimin e "Këpucës së Artë", çmim për të cilin po lufton dhe sulmuesi i Skënderbeut, Ali Sowe. /NEWSPORT.AL/
Lexo gjithashtu
