Turqia humbi dje 0-3 me Italinë në "Olimpico". Ndeshja hapëse e Europianit dhuroi mjaft emocione në grupin A, me italianët që në fund e mbyllën me tre gola. Për trajnerin e Turqisë, Senol Gunes, zhgënjimi ishte i dukshëm. Pas ndeshjes, trajneri tregoi se do ishte mirë një tjetër rezultat për moralin e të tijve, teksa u mposhtën nga një ekip që luante me entuziazëm.
"Luanim me skuadrën pritëse, në ndeshjen hapëse të Europianit. Prisnim një lojë të mirë, por Italia ishte superiore ndaj nesh.
U përpoqëm të kontrollonim topin, por nuk mundëm dot nga presioni i tyre. Nuk është e lehtë kur kundërshtari ta merr topin. Italia ishte më e gatshme për të fituar. Humbëm ndaj një ekipi që luan me entuziazëm.
1 pikë, ose 3 sonte, do kishin qenë shumë të rëndësishme për ne. menduam se të fitonim ndaj një ekipi të fortë do na jepte moral dhe forcë. Kjo nuk ndodhi dhe na vjen keq.
Kemi dy ndeshje përpara dhe dëshirojmë të fitojmë ato. Futbolli ndryshon nga ndeshja në ndeshje. Shpresojmë të reflektojmë në fushë ndaj Uellsit dhe të bëjmë një lojë të mire", tha Gunes.
Lexo gjithashtu
