Kategoria e Dytë do të luajë ditën e sotme disa nga ndeshjet e javës së 5-të të saaj, teksa në fushë do të zbresin ekipet e grupit A. plot 6 sfida do të luhen në orën 14:00, teksa 12 ekipet do të synojnë 3 pikët në javën e 5-të.
Murlani do të presë Besëlidhjen në një duel mjaft interesant mes tyre. Lezhjanët janë favoritë, teksa kërkojnë kreun e renditjes. Sopoti i vendit të dytë do të udhëtojë në transfertë për të sfiduar Shënkollin, ndërsa Valbona lidere e këtij grupi pret Gramshin e vendit të 4-të.
Një duel “kokë më kokë” për mbijetesën është sfida mes Albanëve dhe Adriatikut, ndërsa me interes pritet edhe debutimi i Rraman Hallaçit te Iliria. Kjo e fundit do të ketë përballë Tërbunin, teksa sfida e fundit është mes Naftëtarit dhe Veleçikut.
Ndeshjet e sotme në Kategorinë e Dytë:
Murlani - Besëlidhja
Shënkolli - Sopoti
Valbona - Gramshi
Albanët - Adriatiku
Iliria - Tërbuni
Naftëtari - Veleçiku
Lexo gjithashtu
