Skënderbeu ka nisur tashmë zyrtarisht edhe fazën përgatitore të skuadrës për sezonin e ri, ku do të marrë pjesë në Superiore. Ivan Gvozdenovic ditën e djeshme ka zbritur në fushë një pjesë të mirë të lojtarëve, teksa ka marrë pjesë në këtë seancë stërvitore edhe Ardian Takaj.
Korçarët nisën një grumbullim me plot risi, teksa mes tyre pati edhe mungesa. Në ditët në vijim, më saktësisht deri me 5 korrik pritet që grupi të plotësohet kur është edhe data që Gvozdenovic ka vendosur të ketë të plotë ekipin.
Ditën e djeshme zbritën në fushë me fanelën e Skënderbeut afrimet e reja. Klevis Shaqe, Marko Ramos, Ermir Rashica dhe Alkeo Bani. Gjithashtu në stërvitje u panë edhe lojtarë të tjerë si Oresti Ademaj, mesfushor 22-vjeçar që vjen pas eksperiencës në Greqi, si dhe Dejvid Janaqi, i cili në të kaluarën ka qenë edhe kapiten i kombërtares shqiptare të U-17.
Vlen të theksohet se në këtë seaancë stërvitore ishte i pranishëm edhe menaxheri Ardi Gjançi, i cili tashmë do të mbajë rolin e drejtorit sportiv, duke plotësuar kështu stafin e skuadrës.
Lexo gjithashtu
