Nuk ka dritë në fund të tunelit për tifozët e Seria A. Presidenti i Federatës së Futbollit të Italisë, Gabriele Gravina ka bërë me dije që ata s'do të mund të jenë të pranishëm për shkak të situatës së krijuar nga pandemia e Coronavirusit.
Seria A ka konfirmuar datat për sezonin e ri, që do të nisë në 19 shtator dhe do të përfundojë në 23 maj të vitit të ardhshëm.
"Ne kemi punuar shumë në këto ditët e fundit për krijimin e një protokoll si bazë për nisjen e sezonit të ri. Ne jemi shumë të shqetësuar, por në të njëjtën kohë jemi të përkushtuar në propozimin e zgjidhjeve për autoritetet tona, direkt ose indirekt përmes Komitetit Shkencor dhe Teknik.
Ne jemi të sigurt se ne do t'i rihapim stadiumet nëse e lejon situata shëndetësore këtë, por më duket tejet optimiste ta mendojmë këtë që nga dita e parë", ka thënë presidenti i Federatës së Futbollit të Italisë.
Lexo gjithashtu
