Ryan Gravenberch me shumë gjasa po luan ndeshjet e fundit si lojtar i Bayern Munich. Mesfushori holandez mund të largohet nga skuadra gjermane gjatë merkatos së verës, pasi nuk i aka dalë dot të përshtatet në Bavari.
Pas Jurgen Nagelsmann as Thomas Tuchel nuk e shikon si pjesë të formacioni dhe në këto kushte kanë nisur edhe interesimet nga ekipet e tjera. Manchester City është skuadra e radhës që i është bashkuar garës për të nënshkruar me mesfushorin e talentuar.
Cityzens janë në kërkim të një opsioni cilësor në mesfushë verën e ardhshme pasi Ilkay Gundogan do të largohet nga klubi sezonin e ardhshëm pasi i skadon kontrata dhe Gravenberch pëlqehet nga trajneri Pep Guardiola.
“The Mirror” raportohet se kampionët në fuqi pritet të bëjnë një ofertë rreth 30 milionë euro për holandezin, ofertë qe pritet t’i përmbushë kërkesat e bavarezëve.
20-vjeçari këtë edicion ka zhvilluar 30 ndeshje me Bayernin, kryesisht si i inkuadruar nga banka rezervë ku ka shënuar edhe një gol dhe ka asistuar në një tjetër. Përveç Cityt në garë për talentin e madh holandez janë edhe Arsenal dhe Liverpool.
Lexo gjithashtu
