Shqipëria luajti kundër Islandës, ndeshje që u fitua nga kuqezinjtë me rezultatin 4-2. Sokol Cikalleshi ishte protagonist duke arritur të shënojë golin e katër për tanët. Suksesi i tij ishte parashikuar dhe këtë e tregon gazetari Defrim Methasani. Para takimit të kuqezinjve ai ka intervistuar Andi Lilën që shoqërohej pikërisht nga babai i Cikalleshit. Ky i fundit me bindje kishte deklaruar se djali i tij do të shënonte kundër islandezëve. Dhe në fakt ashtu ndodhi.
Në postimin e tij në rrjetet sociale, Methasani shkruante: "Një foto kujtim vërtet emocionues nga ndeshja Shqipëri-Islandë. Në prag të ndeshjes, gjatë transmetimit direkt të RTSH, ftoj Andi Lilën që shoqërohej nga ky zotëri i nderuar. Ishte babai i futbollistit Sokol Cikalleshi të cilin menjëherë e intervistova. Ai deklaroi se djali i tij do të shënonte gol dhe fjala i doli. Falenderoj atë lojar dhe ekipin kuqezi, që na bëri krenar këtë herë, duke marrë rezultatin historik i pari në një ndeshje zyrtare me 4 gola...!"
Lexo gjithashtu
